E coleccion ta uno crea pa Angele Paesch, cu ta pasiona den diseño di e prendanan unico y original. E concepto aki ta uno cu ta identifica e amor, orguyo y aprecio cu e tin pa su dushi isla Aruba. El a uza e colornan di nos bandera: cora, geel, blauw y blanco, simbolisando cu e prendanan crea ta di produccion local. Angele a encanta semper tur loke ta e mundo joya y acesorio, p’esey no ta nada straño cu su pasion a sigui crece y a desaroya di tal forma, cu el a bin cu e idea pa lansa su propio diseño.
E materialnan cu Angele ta uza pa crea su liña di acesorio ta uno hopi duradero, si aplica e cuido adecuado. E piezanan ta bon balansa tanto den color, diseño, elegancia como textura. E coleccion ta accesibel pa tur hende, y por wordo combina cu diferente vestuario sea casual of elegante. Tur e piezanan tin un accento Arubiano, cu ta pone bo identifica bo mes como un persona cu tin un amor y aprecio grandi pa nos dushi Aruba.
Por lesa mas di e coleccion Piña by Angel den edicion di Focus Digital Magazine di november, cu ta accesibel ‘gratis’ via Apple Store of Android Google Play Store, cu por download e aplicacion riba un smartphone of tablet. E revista ta accesibel tambe via www.focus.aw (Click e tab FOCUS DIGITAL riba e menu).
