E popstar lo ser honra como Billboard Woman of the Year 2022 den e premionan anual di Billboard Women in Music Awards dia 2 di maart, e compania a anuncia awe diabierna. Olivia Rodrigo, di 18 aña, ta ricibi e premio hunto cu Gabby Barrett, Phoebe Bridgers, Doja Cat, Karol G, Bonnie Raitt y Saweetie, cu ta e otro artistanan cu ta ricibi un homenahe e aña.
“E trayectoria di Olivia pa ‘superstardom’ ta tema di un legendario di musica pop. Su talento como storyteller y compositor a converti Olivia den un di e streanan mas autentico y excitante cu den hopi aña a aparece den escena”, e directora di Billboard, Hannah Karp, a bisa den un comunicado. “Conectando cu e publico a traves di generacionnan cu e cancionnan carga di emocion tocante heartbreak, jaloezie y crecemento, a logra un exito absolutamente increibel riba e charts di exito pa un artista debutante. Nos ta encanta di celebra su voz unico y e enorme impacto cu e tabatin entre e fanaticada rond di mundo den un tempo asina cortico”.
Olivia Rodrigo a cuminsa 2021 cu e lansamento di su single debut ‘Drivers License’ na januari, cu a encabesa e charts durante ocho siman consecutivo y converti den e prome cancion di aña pa supera 1 biyon di streams globalmente. E superstar a lansa su album ‘Sour’ na april, y cu mas di 385 miyon di streams, el a kibra e record Spotify di album cu mas streams den un siman pa un artista femenino. E lo bay cu e album riba tour e spring aki, y tambe ta nomina pa shete Grammy Awards den e ceremonia di e aña aki. E ganadornan anterior di Woman of the Year ta inclui: Cardi B, Billie Eilish, Taylor Swift, Madonna y Lady Gaga. E evento anual, cu ta reconoce e artista-, creador-, productor- y ehecutivonan, cu ta marca e diferencia den e industria di musica, lo ser presenta pa Ciara, y pa prome biaha e fanaticonan por cumpra ticket pa asisti den persona na e evento, cu ta tuma luga den YouTube Theater.
