Jennifer Aniston, e eterno icono di Hollywood, ta celebra awe 11 di februari su 53 cumpleaño. E actriz aki a haya fama internacional por su rol di Rachel Green den e exitoso serie di Friends, cu a haci cu el a ricibi un Emmy Award, Golden Globe Award, y un Screen Actors Guild Award. Pa su actuacion na 2002 den e pelicula The Good Girl, el a ricibi un nominacion pa un Independent Spirit Award. El a protagonisa tambe e peliculanan manera Cake, Bruce Almighty, Horrible Bosses, Office Space y We’re the Millers.
Jennifer tabata casa cu Brad Pitt di 2000 pa 2005. Despues el a cuminsa sali cu Justin Theroux na 2011 y e pareha a casa na augustus 2015 y despues nan a separa na 2018. Jennifer Aniston recientemente a termina e filmacion di ‘Murder Mystery 2’ na Hawaii prome cu su 53 cumpleaño. Aniston ta birando grandi manera nan ta bisa: “un bon biña”. El a alcansa e top di su carera cu su ultimo proyectonan. No solamente Jennifer ta un excelente actriz, pero e strea di Morning Show tin tambe e titulo di ser un ‘style icon’ durante añanan pa su impresionante fashion statement. Riba e dia di e fecha natal di Jennifer Aniston, nos ta tira un bista riba e estilo di e actriz durante añanan.
