E modelo di 25 aña, a ser hospitalisa na Palm Springs pa un emergencia medico na principio di e siman aki. Hailey Bieber a drenta hospital cu e sintomanan similar na un stroke, causa pa un ‘blood clot’ den su cerebro. Den un post riba su Instagram, Hailey a califica e susto definitivamente como un di e momentonan mas teribel cu el a yega di pasa aden.
Hailey Bieber a conta cu diahuebs mainta e tabata sinta desayunando cu su casa, ora el a cuminsa sinti e sintomanan similar na un stroke y nan a hibe hospital. E dokternan a descubri cu el a haya un klompi di sanger hopi chikito den su celebro, loke a provoca una falta di oxigeno, pero Hailey su curpa a supera esaki y el a recupera full den algun hora. Apesar di e momentonan teribel, e ta hopi agradecido na tur e dokternan magnifico y e enfermeranan cu a cuide.
E casa di Hailey, Justin Bieber, a test positivo pa Covid-19 luna pasa, y mester a pospone varios fecha di concierto di su Justice World Tour. E cantante mester a cancela tambe su show na Las Vegas, cu tabata programa dia 28 di juni.
