Den caso cu tin duda, busca e tres colornan aki cu ta mustra literalmente bon riba tur hende. E formula secreto? Nan ta un combinacion perfecto entre e colornan vibrante y fresco, cu ta adapta na perfeccion riba e tono di cuero di tur hende.
E tres colornan aki ta mustra great riba e tono di cuero di cualkier persona.
Blush
E tononan cu ta faborece mas tur hende ta e colornan neutral manera millennial pink of blush. No solamente e ta faborece e tononan di cuero, pero ta duna briyo sin importa ken bo ta y ta combina bon cu tur cos.
Cora
Si bo estilo di bisti ta mas tof, opta pa cora. Mientras no ta tur cora ta mustra bon riba tur hende, busca un tono cu ta funciona pa bo, realmente tin un cora pa tur hende,
Preto
E color neutral faborito di tur hende, y tin un motibo pakico e hende muhenan mas elegante ta opta pa e color aki tur ora. Su reputacion ‘ultra-slimming’ y su habilidad pa bay bon cu tur color ta haci cu nos ta bay p’e ora no tin ‘nada pa bisti’.
