Mei ta habri cu e edicion di Focus Digital Magazine di e luna aki, cu tin riba su portada Tiana De L’ Isle, cu ta splica con ser mama a cambia su bida completamente. E ta tuma tempo pa haya e balans di trabou, famia y bida social bek. Tiana hunto cu su pareha, Rupert Thijsen, a combersa bon cu otro pa asina poco poco por yega na un bon balans. Su yiunan, Ryzen Seajay y Raiden Sidney, a siñ’e tin hopi mas pasenshi. Nan a trece felicidad y un amor inmenso, cu pa Tiana hasta den e momentonan menos leuk su curason ta yena cu puro amor.
E dia cu Louise Rasmijn a haya sa cu e lo bira wela e tabata super contento y feliz. Un deseo cu porfin a wordo cumpli, cu e tambe lo haya un nieto despues cu su rumannan mas jong cu ne, ya tabatin 9 nieto. Louise su bida a cambia drasticamente desde yegada di su prome nieta. Pa un persona cu tabata gusta su trabo y trahando pa 39 aña, pa e dicidi di kita for di trabou pa wak pa su nieta. Pa Shelby e yegada di Isabelle a cambia su perspectiva riba bida. Estilo di bida a cambia, pero e ta mira esaki den un luz di positivismo. E no lo haci nada diferente compara cu su mama, cu ta un bon mama y awo un super wela
Durante e trayectoria di revista FOCUS e highlight pa e luna di mei ta e bunita celebracion di Dia di Mama. Na aña 2019 a ilustra un di e portadanan mas adorabel y memorabel, cu tabata di Yelitza Domacassé-Helmeyer hunto cu su morocho, Joah y Jeyah. Nan a nace dia 13 februari 2018, y tempo di e photoshoot nan tabatin 14 luna. Yelitza ta duna un update con e ta experienciando e crecemento di Jeyah y Joah, cu aunke nan ta morocho ta 2 mucha completamente diferente.
Lo sigui elabora mas di e interesante contenido FOCUS Digital Magazine di e luna di mei den e siguiente posts durante e dianan venidero. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
