Dia 28 di April ultimo, The Boolchand Group a organisa e gran apertura di nan ultimo adicion den e mercado di e isla di Aruba, un tienda di Pandora na The Shops at Ling & Sons. Un evento sumamente exitoso unda cliente VIP, socio, amistad, ehecutivo di Pandora y tambe Su Excelencia Minister President di Aruba tabata presente. E tabata un privilegio pa tin Minister President, Evelyn Wever-Croes, su apoyo durante e ceremonia di cortamento di cinta conhuntamente cu e Director di The Boolchand Group, Sr. Ram Boolchand.
The Boolchand Group ta agradecido na e Gobierno di Aruba pa tur e decisionnan duro cu mester a wordo tuma pa proteha nos comunidad y na e mesun momento e esfuerso haci pa sostene e economia local. The Boolchand Group a traha duro pa asina logra sostene nan negoshi y adapta mas cu tabata posibel pa asina recupera di e temponan dificil di e pandemia.
Nan ta agradecido pa tin e oportunidad di habri un tienda nobo den un localidad cu ta miho situa y mas accesibel pa e comunidad local. Na e mesun momento por sirbi e mercado di Airbnb’s y di short-term rentals, cu ta aumentando rapidamente y pa probecha cu e visitantenan aki ta haci nan compra na Ling & Sons pa asina trece Pandora mas cerca di tur hende! The Boolchand Group a dedica su mes na e isla di Aruba desde 1974, y lo keda dedica na un futuro largo y duradero na nos One Happy Island! Un agradecimento special ta bay na tur esnan cu tabata presente pa asina apoya e gran apertura, specialmente e miembronan di prensa y Su Excelencia Minister President di Aruba. Un invitacion caloroso ta bay pa tur hende pasa bishita e tienda mas nobo di The Boolchand Group, tienda Pandora na The Shops at Ling & Sons.
