Mila Fernandes Ponson Biagioni a nace na Brasil, y el a muda bin biba na Aruba hunto cu sa mama tempo e tabatin solamente 6 aña. Desde chikito e tabata soña pa bira dokter y actualmente e ta hopi feliz di a logra su carera medico, y ta forma parti di Clinica Famil na Brasil. Su satisfaccion mas grandi den su trabou ta, cu el a salba hopi bida, yuda hopi hende y haci nan bida miho.
Medicina ta un area cu hopi desafio, pero pa Mila e ta absolutamente bale la pena! Specialmente e area di estetica, cu ta duna un satisfaccion inmediatamente, unda e persona ta yega cu algun keho, y ta sali completamente feliz. Su escogencia pa sigui den area di estetica ta paso e ta un area cu hopi posibilidad.
El a ripara cu un par di procedura basico por hiba hopi hende na yega di stima nan mes mas, acepta nan mes mas, y te hasta cambia nan bida, djis door di sinti nan mes miho den nan mesun curpa. E ta duna hopi hende un miho calidad di bida. Algo asina simpel, sinembargo cu asina hopi gratificacion.
Hopi hende di otro pais ta bini cerca Dokter Mila Ponson na Brasil pa haci transplante capilar, cu ta e tratamento mas innovador. 100% di e pashentnan cu ta haci transplante ta sali cu un smile super grandi y completamente satisfecho. Den Focus Digital Magazine di e luna aki por lesa loke ta e mitonan tocante e tratamentonan estetico for di e punto di bista di Dr. Mila Ponson. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
