Robert ‘Bob’ y Mary Spellen ta traha exitosamente hunto den nan agencia di biahe, Discovery Travel, cu ta cumpliendo 31 aña brindando nan servicio cu excelencia. E idea pa lanta un travel agency na Aruba a cuminsa na november 1990. Oficial y legalmente tur documento a wordo acepta como agencia di biahe na maart 1991. E no tabata facil pasobra e ta rekeri hopi rekisito, despues di un estudio y analisis den mercado na unda tabatin alrededor di 18 agencia di biahe.
E tabata hopi duro pa habri porta sin tin 1 cliente y sin publicidad. Nan a dicidi pa toch tuma e risico y a habri porta di Discovery Travel oficialmente dia 9 di augustus 1991, e tempo ey na Harbor Town Village cu awo ta Renaissance Marketplace. Discovery Travel ta ofrece benta di tickets, trein, car rental, tours, seguro di biahe, diferente vacation packages, crucero y mas. Nan meta ta pa busca e miho ruta y prijs pa nan cliente y duna e miho servicio posibel.
Ofrece e siguridad cu semper nan t’ey pa yuda den cualkier problema cu nan lo por haya pa cualkier contratiempo, manera un mal tempo of cualkier otro cos imprevisto. Esaki ta un di e bentahanan cu e cliente tin ora di book via un agencia di biahe en bes di book online. Ademas di bende tur cos cu tin di haber cu travel, nan a specialisa den e ultimo añanan mas den – vacation package’s y cruising – tanto riba lama como riu.
Bob y Mary Spellen a haci hopi cruise, pero esun miho cu nan a haci te cu awo ta Antartica. E ta uno Increiblemente ‘amazing’, e glaciers ta hopi grandi y sumamente bunita. E wildlife tabata tremendamente bunita pa wak bayena y pinguin. Esaki ta un ‘adventure of a lifetime’. Bob y Mary ta comparti hopi tips den Focus Digital Magazine di e luna aki, cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
