E invitacion cu e estilista Roberto Avalo a ricibi pa ta un di e speakernan na Hair Revolution 2022, sigur tabata un di e motivacionnan pa sigui cu su cambio fisico. E ta semper sigur di su trabou y su profesion, pero ta riba stage den su miho version a lag’e sinti mas sigur, determina y cla pa mas reto nobo su dilanti.
Roberto Avalo ta bisa cu e trayectoria pa yega awe na su condicion fisico, a cuminsa completamente riba su mes, purbando pa come saludabel y cuminsa cana. Sinembargo despues di un periodo e ta cay bek y bolbe bay na e mal custumbernan. Na october 2021 el a dicidi di pone un STOP, bisando su mes cu e kier tuma esaki na serio.
E desafio pa yega na su meta kisas ta zona ta poco egoista, pero el a pensa riba su mes y ta tempo pa su mes. P’esey actualmente e ta sinti contento cu e cambio fisico pa loke el a logra te cu awo. Na december 2021 el a logra yega te cu 82 kilo despues di a baha 25 kilo, cu ta un diferencia y un cambio grandi.
Roberto Avalo a subi stage den su miho version na Hard Rock Café Punta Cana, unda el a educa y inspira mas di 600 estilista rond di mundo na e convencion di cinco dia. Roberto ta desde 2016 oficialmente e ‘Brand Ambassador’ di L’Oreal professional na Aruba. Den Focus Digital Magazine di augustus, Roberto Avalo ta comparti cua ta e producto mas innovador di L’Oreal Professional. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
