Federer a anuncia su retiro na edad di 41 aña, despues di confronta cu diferente problema na su rudianan. Diahuebs 15 di september ta keda recorda como un dia tristo pa e mundo di tenis profesional, momento cu e gran tenista aki a anuncia su retiro for di e canchanan di tenis.
E presidente di Swiss Indoors, Roger Brennwald, a emiti un comunicado splicando e tristesa di e torneo cu e retiro di Roger Federer. E tenista lo retira despues di Laver Cup otro siman, y lo perde e torneo na Basel na su pais natal, Suisa, cu ta fin di luna di october.
Federer a destaca no solamente pa su logronan of pa su humanidad, sino tambe pa su envidiabel condicion fisico, cu a permiti’e sostene sin problema den competencia. Ta poco y dificil pa haya e lesionnan di Federer durante su trayectoria. Sinembargo, den e ultimo seis añanan un serie di problema na su rudia a pone aparta di e protagonismo y finalmente di e actividad.
