Awe dia 13 di october, e fecha cu a scoge pa conscientisacion di ‘Metastatic Breast Cancer’ ta un momento pa obtene y comparti e conocimento di loke e pashentnan ta enfrenta y con e comunidad por yuda.
2 MBC_PAP hecho2
3 MBC_PAP hecho 3
4 MBC_PAP hecho 4
5 MBC_PAP hecho 5
6 MBC_PAP hecho 6
7 MBC_PAP hecho 7
Metastasico ta significa cu loke ta cuminsa como un caso di cancer di pecho den un etapa tempran, a haci metastasis of plama pa otro organonan (pulmon, weso, etc.) fuera di e pechonan y awo ta considera como cancer den ‘stage four’. Na e punto aki, e unico opcion di atencion ta di trata e cancer avansa y su efectonan secundario, incluyendo ansiedad; no tin cura pa cancer di pecho metastasico te ainda. E tratamentonan por inclui cirugia y chemotherapie, como tambe posibel pruebanan clinico di medicamentonan nobo, cu hunto cu otro cuidonan por yuda mehora e calidad di bida y alarga e bida di e pashent.
Metastatic Breast Cancer Awareness ta parti di e luna di conscientisacion di cancer di pecho y ta presenta un oportunidad pa aumenta e conciencia y visibilidad di esunnan cu ta apoya y lucha pa e avansenan cientifico. Na Aruba nos conoce un ‘guerera’ den su lucha cu metastatic breast cancer, Myandra Croes, cu ta conscientisando y educando e comunidad den su lucha cu e enfermedad. Awe por a mira riba e rednan social cuanto persona y instancia ta apoyando Mya den su lucha, bisti cu nan t-shirt ‘Hope Faith Hope’.
