SETAR ta contento di anuncia cu pronto SETAR lo cuminsa on board 17 scol di SKOA riba Fiber. Durante e conferencia di prensa, SETAR y SKOA a firma acuerdo pa pone Fiber cu paketenan special na e 17 scolnan cu ta cla pa wordo traspasa. Despues lo sigui pa e demas scolnan cu ta cay bou di SKOA den fase p’asina traspasa tur riba Fiber.
Na 2021 SETAR a cuminsa cu e proyecto di Fiber ‘Next Generation’ pa scolnan cu e meta pa haci e futuro resiliente pa e infrastructura y servicionan di nos scolnan. Asina aki por facilita online learning y educacion den klasnan pa medio di plataformanan digital.
Actualmente tin varios scol caba cu ta haci uzo di e Fiber ‘Next Generation’ di SETAR cu lo brinda speednan di 1 Gbps den futuro na un prijs special pa scolnan rond nos isla. SETAR, como nos compania nacional di telecomunicacion, ta sigui traha pa hunto hiba nos scolnan na e siguiente nivel cu Fiber.
