Durante e celebracion tradicional di Customer Appreciation Week, Aruba Bank ta gradici su clientenan pa nan lealtad. Durante di un sin-fin di celebracion durante di e siman di 21 di november, Aruba Bank a inicia cu un variacion di actividad caminda tabatin diferente “surprise moments” na diferente localidad di e banco. E clientenan a wordo sorprendi cu treat special den banco, premio na varios sitio di ATM, y oportunidad pa participa y gana premio riba nan pagina di Facebook.
Pa Aruba Bank, un bon relacion entre e organisacion y su clientenan ta uno di sumo importancia, y pa e motibo ey ta dedica un siman tur aña pa gradici su clientenan pa nan lealtad y confiansa den e banco pionero di Aruba. E gerencia y staf completo di Aruba Bank ta gradici tur cliente y duna nan un DANKI di curason. Nan sa cu nos comunidad tin opcion ora di scoge unda pa maneha nan asuntonan bancario, y nan ta gradici esunnan cu ta sigui scoge Aruba Bank!
