E cas di moda Balenciaga den ultimo dianan mester a deal cu criticanan hopi fuerte door di dos propaganda cu nan a lansa. Esaki a pone cu e embahadora di e marca, Kim Kardashian, a declara cu e ta geshock y ta evaluando su relacion cu e compania. Un anuncio cu ta ilustra muchanan chikito cu tas den forma di peluche di beer teni den nan man, cu ta mara tur na cadenanan cu ta mustra algo nada corecto. E otro anuncio ta mustra e documentonan tocante e leynan di pornografia infantil. Balanciaga a declara cu nan ta demandando e compania di publicidad, cu a ser contrata pa produci e di dos campañanan di publicidad.
Un polemica a start riba e rednan social riba e propagandanan, cual hopi a acusa e marca di ta promove explotacion di mucha chikito. Balenciaga ta conoci pa haci controversia cultural desde cu nan a nombra Demna Gvasalia como director creativo na 2015. E prome campaña cual a ser lansa november 16, 2022 ta yama Balenciaga Gift Shop y artwork a wordo haci den october pa e fotografo documentario italiano Gabriele Galimberti. E fotografo aki ta conoci pa su trabou sacando muchanan chikito full rond di mundo cu nan coy hunga.
The New York Times a informa cu esaki ta su prome sesion di fotografia di moda y cu Galimberti a bisa cu e beer-, e mucha- y e acesorionan cu a wordo uza pa e photoshoot tur ta Balenciaga mes a scoge nan. E beernan ta aparece pa prome biaha den e desfile di primavera 2023 di e marca na Paris. Dia 24 di november, Balenciaga a pidi disculpa pa e propagandanan di Balenciaga Gift Shop y tambe a bisa cu tur cos lo wordo elimina for di tur plataforma online.
