Lissette Eduardo cu ta famoso como Chiky Bombom, ta un influencer hopi gusta pa su energia, compartiendo semper su sonrisa y actitud positivo dilanti camara. Sinembargo tras di e personahe aki tin un storia di bida, cu ta resulta di hopi inspiracion pa tur mama, cu mester a sali dilanti nan so cu nan yiunan. Den un combersacion cu Giselle Blondet den su podcast “Lo que no se habla”, e presentadora di “Hoy Día” a revela cu e tata di su yiu homber a ser condena na 20 aña di prison, ora e baby tabatin solamente tres dia cu el a nace.
Aunke e influencer no a duna e motibo di su encarcelamento, el a expresa con feliz y orguyoso e ta sinti di su casa, cu ken e tin 18 aña casa. Chiki Bombom a conta cu e tabatin practicamente un bida perfecto, sin placa, pero perfecto. Un muhe hoben, yen di salud, cu henter un bida su dilanti y un casa maraviyoso. Despues el a sali na estado y el a haya su baby, y su bida a cambia den 3 dia. Su casa a cay den prison condena na 20 aña y el a cay den un depresion bastante grandi, y el a sinti cu e mundo a bin abou riba dje.
E tabata te ora cu su yiu a cumpli cinco aña cu el a dicidi di conta e berdad y el a bisa su yiu unda su tata tabata. E no sa cu contando e berdad el a haci loke ta corecto, pero e mester a bisa e mucha door cu e tabata haci hopi pregunta. Aunke su casa tin 10 aña den prison, e ta considera cu e ta e miho tata di mundo, y e persona cerca ken e ta bay ora e ta sinti cu e ta den depresion. Su casa semper tabata involucra den nan bida, e ta su miho amigo y confidente.
E persona unda e ta core bay ora e ta sinti’e vulnerabel, ora cu depresion ta batiendo na su porta, paso e ta e persona cu ta compronde. A pesar cu nan no ta mantene un relacion di pareha, e ta un persona hopi importante den su bida. Chiky Bombom a finalisa bisando cu su casa a bis’e cu e ta hoben ainda y pa haci su bida, simplemente pa cuida su yiu homber. Nan tin un relacion increibel y e no sa cu si e tabata pafo, nan lo tin e relacion aki.
