Den e episodio di diamars di su talk show, Drew Barrymore (48) a papia cu Brooke Shields (57) riba e documental nobo di Pretty Baby, y si Brooke ta sinti cu e por papia tambe di #MeToo movement. Barrymore a bisa cu e no ta sinti niun interes y e no por papia di esey, pasobra el a experimenta tanto cos cu no tabata apropia na un edad asina jong. Cu e ta asina confundi di riba kico e tabata responsabel y den kico el a hinca su mes, unda e tabata y si e tabata parti di e cosnan ey.
Di manera similar, Brooke Shields a bisa cu e tampoco no tabata sa unda e tabata den e spectrum di e movimento y el a splica cu e no sa con pa interpreta su experiencianan, pasobra nan a haci cu el a sinti culpabel, pero na mesun momento a sinti berguensa di su mes. “Pero nos tabata asina jong, y tabata considera asina ‘apropia’ cu no por a sinti pena, ni sikiera tabata sa. No tabata sa kico e tabata”, e actriz y modelo a bisa.
Barrymore a bisa Shields cu el a sinti exactamente di mesun manera, den e sentido cu el a sinti cu e no por a papia na e movimento. Y e tabata asina feliz cu e tabata sosodiendo, pero el a sinti di a experimenta demasiando cos cu tabata scur y incomodo, y cu e no tabata sa cu tabata malo na e momento ey. Despues cu Drew Barrymore a menciona den otro parti di e entrevista cu su propio mama, Jaid Barrymore, tabata ‘date’ su guynan.
El a puntra Brooke Shield si e tabatin mesun experiencia, y e actriz di Blue Lagoon a bisa cu ‘no’ pasobra e tabata namora di dje. E tabata su focus principal y ambos lo keda separa di nan sexualidad. Brooke Shields ta corda di su relacion cu su mama, cu a muri na 2012 cu 79 aña di edad, cu e lo permanece virgen y e lo ser simplemente Teri Terrific y ta eynan.
