Mantene e parti superior di e curpa cu sensacion di placer y bienestar por ta posibel. Conoce e clavenan con pa haci esaki. Un estudio di e comportamento humano y e maneranan con pa establece relacionnan interpersonal, ta un area den cual a ser enfoca varios tema di conocimento manera sicologia y sociologia. Un di e organonan cu ta controla e funcionamento di e organismo ta e cerebro, pero cu tempo a surgi preguntanan riba su mantenimento optimal. Child Health Organization ta bisa cu por compara e organo aki cu un computer central, cu ta warda tur informacion di algo of di un hende.
Di otro banda desde neurociencia a studia e cerebro pa logra haya datonan cu por sirbi como apoyo y ta ser relaciona cu felicidad, e emocion humano cu ta caracterisa pa exalta e sentidonan. Di e manera aki, e neuroscientifico Sara Teller y escritor Ferran Cases a skirbi e buki ‘El cerebro de la gente feliz’, unda nan ta comparti e clavenan pa e parti superior di e curpa keda alegre.
E investigadornan por a constata cu e ‘dopamina, oxitocina, serotonina y endorfina’ ta e sustancianan encarga di produci felicidad den e sernan humano. Cada uno ta actua manera un mensahero kimico cu ta conecta cu e cerebro y organismo; por ehempel, ‘dopamina’ ta activa cinco tipo di receptor celular y ta frecuentemente considera como e causante di e sensacionnan placentero y sensacion di relahacion, segun Clínica Hospital San Fernando na Panama.
Pa loke ta trata ‘endorfina’, ta loke ta disminui dolor, cu usualmente ta ser separa ora ta haci ehercicio, baila of ta haci un actividad cu ta exigi pasion segun varios portal di psicologia y salud. Conhuntamente, e ‘oxitocina’ ta liga na comportamento maternal y en general ta compone pa yuda e cerebro sinti cariño pa e personanan cercano, segun ta ser señala pa Farmacia Angulo na Spaña. Por ultimo, ‘serotonina’ ta considera como un antidepresivo natural, den poco palabra, e ta ser considera como ‘e hormona di felicidad’.
Sara Teller y Ferran Cases a aborda e sensacion di placer y bienestar di e cerebro, y como resultado nan a duna di conoce e clavenan of costumbernan pa logra felicidad na e parti superior di e organismo:
1. Permanece den presente: No gasta energia, tempo of pensamentonan, den e cosnan cu a keda den pasado of visionnan cu ta spera den futuro. E expertonan ta indica cu tur cos ta hinca den sa con pa controla stress y miedonan cu por sinti den actualidad. P’esey loke ta drama y ansiedad lo ser alivia, ademas mester laga los na e emocionnan poco fructifero y acepta cu ta natural pa sinti nan, pero e mester ta pasahero.
2. Ser resiliente: Resiliencia ta wordo yama manera e arte cu ta surpasa e dificultadnan. Segun American Psychological Association (APA), ta e proceso di adapta bon na adversidad, un trauma, tragedia, menasa of fuentenan di tension significativo manera problemanan familiar of di relacionnan personal, problemanan serio di salud of situacionnan ‘estresante’ di trabou of financiero.
Segun e specialistanan, e personanan cu ta resiliente ta caracterisa pa haci plannan realista, tin un vision positivo di nan mes, comunica cu habilidad y soluciona problemanan, por ultimo, tin e capacidad pa maneha sentimentonan y impulsonan fuerte.
3. Purba cosnan nobo: Sa pasa cu e hendenan no ta custumbra na e cambionan den e estilo di bida. Sinembargo, den e buskeda di un bida mas feliz, e autornan ta bisa cu mester tuma decisicionnan nobo. Door cu haciendo un actividad pa hopi tempo, biba den costumber y no wak otro posibilidadnan ta genera apatia, segun Teller y Cases.
4. Humor y mas humor: Ser feliz tambe por ta un tema di actitud. E expertonan a menciona cu mantene un humor energico y alegre ta mehora e salud mental. Instituto Salamanca tin e slogan cu por denomina humor na un estimulo, un contesta of un disposicion di animo cu por ser habitual of tambe pasahero. Di e manera aki, mantene un bon humor por ta saludabel y gratificante.
