E aña aki Amberly Ruiz ta bay Hulanda pa sigui un estudio, cu el a dicidi pa haci den futuro su trabou. E desicion pa studia arte y especificamente ‘animation’ ta un decision cu el a haci momento e tabata den 4de HAVO. For di e tempo ey, Amberly ta trahando riba su portfolio y su scol cu e lo atende ta Willem de Koning na Rotterdam. E oportunidad pa papia cu e directornan di e scol di arte y personanan cu ta traha den ‘animation’, e ta gradici Elvis Lopez di Ateliers ’89 Punto di Beyas Arte.
Amberly kier studia specificamente ‘character design’, p’esey hopi di loke e ta pinta of verf ta e ser humano. E gusta e colornan cla cu tin bon contrast cu otro, manera oranje cu blauw. Ora di pinta hende e ta gusta keda fijo na e proporcionnan di e anatomia humano, pero los den e cara y bisti di e hende. Con hende su bisti y colornan ta cambia depende di unda e hende ta bin, semper el a haya hopi interesante.
Den Focus Digital Magazine di e luna aki tin un entrevista cu Amber Ruiz, unda e ta bisa kico a inspir’e pa pinta e caricaturanan di e peliculanan. E revista ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
