Den e campaña di Gucci Bamboo 1947 lansa recientemente, cu e potretnan saca pa David Sims por mira Liu Wen luci e handbag aki den un estilo comodo, intimo y casual, treciendo den su pensamento locual ta clasico y innovativo. Recordando e shooting na Milan fin di februari, Liu Wen a señala cu e creatividad tras di e shooting tabata hopi fascinante. Den e campaña publicitario aki, e tas ta tuma e rol di un amigo di confiansa dunando expresion na su pensamento y sentimento.
Liu Wen a destaca tambe den un look impactante na Vanity Fair Oscar Party, cu un suit blauw borda cu cristal y un tas Gucci Bamboo 1947. E supermodel a comenta den un entrevista cu Vogue, cu el a combina e suit royal blue di canchi di e marca Gucci, cu un tas preto Bamboo 1947 pa logra un estilo ekilibra. Ademas e outfit aki ta versatil, ya e por pasa di un outing casual pa eventonan special manera un fiesta, eleminando e mito cu ‘evening bags’ solamente por wordo uza pa cierto ocasionnan special.
E elementonan clasico a resisti e prueba di tempo y ta conserva te cu awendia pa duna cada exhibicion un seyo distintivo di e temponan y un interpretacion nobo di e exposicion. E tas Bamboo di Gucci a evoluciona durante añanan desde su debut na 1947, capturando e esencia di cada epoca di moda. Mirando bek atras na e elementonan clasico di 1947 y sosteniendo un tas Gucci Bamboo 1947 den bo man decadanan despues, lo bo sinti un conexion cu su creadornan y e sensacion di ser parti di su legado.
Na Shanghai, Gucci a habri su portanan pa e exposicion ‘Gucci Cosmos’ for di 28 april pa 25 di juni, cu ta explora e diseñonan mas memorabel di e cas for di su archivo centenario, ofreciendo tanto un homenahe na e comienso di e marca italiano como un reconocimento na su creatividad infinito. Gucci Bamboo 1947 ta ocupa un luga destaca den Gucci Cosmos y Lui Wen a asisti hunto cu mas celebridad na e inauguracion di e exhibicion.
