Cu añanan e produccion natural di colageno den e organismo ta baha y door di esey e dolornan muscular ta podera di e curpa. Den e siguiente post lo bo haya sa cua ta e alimentonan cu por yuda. Mantene un dieta balansa, haci ehercicio y hiba un estilo di bida saludabel ta factornan cu por yuda na retrasa pa e celnan bira bieu y tin un miho calidad di bida. Sinembargo tin accionnan cu nos por tuma pa yuda nos curpa, ya sea tumando vitamina, suplemento of algo mas natural, manera e alimentonan cu ta contene colageno.
Consumi e alimentonan aki no ta simplemente un accion preventivo, ya cu ta trata di un proteina esencial pa e elementonan structural di e organismo. Incluso por bisa cu den cierto manera, e ta e gasolin di e weso-, articulacion-, tehido- y djentenan, ya cu nan ta compone den su mayoria di colageno. E pregunta: “Pakico colageno ta sirbi?”. Manera cu a menciona na comienso cu e proteina aki ta fundamental pa e organismo funciona bon, dus door di falta di esaki, e salud di e wesonan y articulacionnan por ser hopi afecta.
Core, baila, disfruta di e movimentonan di e curpa y tur e cosnan cu awe nos ta ‘take for granted’ por cuminsa desaparece lentamente durante añanan, pa evita esaki ta importante pa inclui den bo dieta, e alimentonan cu ta yuda na fomenta e produccion di e proteina aki. Nos no por evita pa bira bieu, pero loke si ta den nos man ta pa mantene un estilo di bida saludabel, cuida nos alimentacion y pone como prioridad e alimentonan cu nos sa cu ta bon pa e sistema, cu sigur lo marca e diferencia.
E ALIMENTONAN CU TA CONTENE COLAGENO
Carni: Si bo obhetivo ta aumenta e produccion di colageno den bo organismo definitivamente bo mester inclui e alimentonan di origen animal den bo dieta diario, siendo carni e principal fuente di e vitamina aki. No ta importa cual ta bo faborito: galiña, baca, porco y lamb ta un excelente alternativa pa faborece e elaboracion natural di e proteina aki. Bo por crea diferente receta y inclui un porcion di berdura y otro di carbohidrato ya sea pa lunch of dinner.
Pisca: Tin hopi hende cu no gusta come carni y si esaki ta bo caso ora di come, bo no mester preocupa ya cu ta existi hopi opcion maritimo cu ta cumpli na perfeccion cu e obhetivo cu nos tin. Tuna, sardin of salmou, no solamente ta un fuente grandi di omega 3, pero tambe nan ta di colageno, p’esey nan ta un alternativa grandi pa mantene e salud di nos wesonan y tehidonan.
Citrico: Apelsina y lamunchi, tambe ta alimentonan cu nos mester mantene den radar si nos obhetivo ta aumenta e produccion di colageno. Gran parti esaki ta door cu e tin un contenido halto den vitamina C, un antioxidante cu ta yuda na mantene e nivelnan di colageno den e puntonan saludabel. Ademas tanto lamunchi como apelsina ta alimentonan bastante amigabel ya cu nan por ser inclui den e bebidanan refrescante y den diferente receta siendo e condimento strea pa duna un toke diferente na e cumindanan.
Webo: Hopi hende gusta come webo den nan desayuno y ademas di ta un opcion delicioso y hopi saludabel, e por adapta na un sinfin di receta y cuminda, p’esey por resulta basta dificil cu su smaak lo fada bo. E mayor parti di colageno presente den webo ta den e membrana, cu ta separa e parti paden di e casca cu e contenido di e webo. De facto, e parti aki por haci uzo di dje tambe como un peeling of mask, cu ta yuda na regenera e cutis.
