DAZESKIZE ta un manifesto di Priscilla Laclé su soñonan, identidad y estilo personal. E expresion ‘vintage’ a drenta su mundo tempo e tabatin 14 aña. E tempo ey, e tabata gusta bay vlooienmarkt of garage sale door cu semper e tabata interesa den moda segunda mano y e historia tras di cada obheto. Como e creador di e marca, Priscilla Lacle ta splica cu DAZESKIZE ta un ‘frame of mind’ con bo por expresa bo individualidad a traves di bistimento.
Nan ta uza estilo como un mecanismo di defensa pa opone di e moda convencional. E obhetivo ta pa accentua bo individualidad y proporciona un fuente di estilo eclectico cu un enfoke unico. Celebrando fashion ‘misfits’ cu ta sinti pasion por e piezanan vintage y cu focus riba sostenibilidad, a crea DAZESKIZE pa bende y inspira, dirigi na e hendenan cu no tin miedo pa expresa nan individualidad.
Den Focus Digital Magazine di juni, Priscilla Laclé ta comparti su meta como creador di su marca di paña DAZESKIZE. E revista ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
