E crucero nobo di mas grandi na mundo, Icon of the Seas, di Royal Caribbean International ya a termina su construccion y a realisa su prome pruebanan riba lama grandi. E obhetivo ta pa entrega e barco na e compania na october di e aña aki pa realisa su prome biahe na principio di 2024. Cu 365 metro di largo, e crucero inmenso aki a kibra e record anterior, cu e mesun compania tabatin y Icon of the Seas a converti den e crucero mas grandi di mundo.
Su prome biahe ta programa pa januari 2024, unda nan lo ricibi e prome 5.610 pasahero y 2.350 trahado. Pero ademas, e barco aki ta conta tambe cu e parke acuatico di mas grandi riba lama, cu varios slide pa sinti e adrenalina. Esaki lo tin 6 slide acuatico cu tambe lo bati nan propio record, aunke pa esunnan cu ta busca un experiencia mas trankil por disfruta di e shete piscinanan y nuebe jacuzzi riba e barco.
Ademas di e parkenan acuatico y piscina, e barco tin mas di 40 manera pa dinner, bebe y diberti. Cu 20 deck y ocho zona comun interior inmenso pa explora, nan obhetivo principal ta pa e pasaheronan tin actividad pa no sinti laf ni un solo minuut. Nan ta ofrece tanto actividad infantil como adulto, manera plan pa haci den forma individual, den pareha of den famia. Como curiosidad, e barco lo inclui un espacio solamente pa adulto unda lo realisa cada dia un duel entre dos musico experto.
