Medellin ta preparando pa Feria de las Flores, di 28 di juli pa 7 di augustus, cu ta un di e eventonan cultural mas importante na nivel nacional na Colombia. Ta spera yegada di mas di 50.000 persona via e aeropuertonan, es decir 77 % mas cu na aña 2019 cu 28.213 persona a bin pa e feria y ta calcula cu e actividad aki ta trece aden 30 miyon dollar.
E ocupacion hotelero pa e feria aki ta estima riba 80 %, cifra record pa e evento, y superior na e edicionnan di 2018 (77,03 %), 2019 (77,72 %), 2021 (66,6 %) y 2022 (78,7 %). Lo tin 35 escenario cu entrada liber, 22 mas cu na 2022. E publico por disfruta tambe di e chivas tradicionales, cu lo ta desfilando durante e muestra comercial di e Desfile de Silleteros. E alcalde di Medellin, Daniel Quintero Calle, a bisa cu tin 150 evento, hopi ta priva, cu ta haci esaki un colaboracion publico-priva, pero e cosnan aki por pasa.
Actualmente ta haciendo algo cu no tabatin antes. Lo tin concierto di musica cristian, esun mas importante di e tipo aki na Latinoamerica. Awo tin tambe un concierto pa e poblacion LGTBIQ+, unda tur hende ta bay pasobra ta hopi bon artistanan lo bay presenta. E alcalde a pidi na e mas di e 3.000 artistanan pa laga nan curason riba e tarimanan den cada uno di e 150 eventonan. Tanto na tur e conciertonan como e cinco eventonan masivo, cu lo tin den e ‘comunas’ y ‘corregimientos’ pa tur bay maraviyoso. Daniel Quintero a finalisa bisando: “E feria aki ta di e pueblo y pa uni nos”.
