David Paulus (1986), ken a nace y crece na Curaçao, ta un diseñador autodidacto. E ta distingui su mes for di mayoria di e diseñadornan hoben den su vision. David ta crea ‘Art Couture’ y door di esaki tin un estilo no convencional den e mundo di moda.
Su creacionnan ta inspira y basa riba su amor pa arte y su desfilenan ta mas un obra di teatro cu un modeshow clasico y semper e ta basa riba un tema.
David Paulus no ta diseña solamente su propio telanan, pero tambe ta produci tur su propio shownan, locacion, modelo, musica y coreografia! E meta di David riba pasarela ta semper entretenimento.
E aña aki den Art Fashion, David Paulus tin un colaboracion cu Swesdy Beeldnijder di Swesstyle. Su Show ta dividi den 2 parti. Coleccion 1: ‘Kas di Kunuku’ – Ta inspira riba e casitanan di cunuku y e vestuario ta ‘Saya ku Djeki’
Coleccion 2: ‘The Vilans of Disney’ – Ta inspira riba di e cuentanan di hada di Disney.’
Awe nochi David Paulus su ‘Art Couture’ ta riba pasarela den e cayanan di San Nicolas y hunto cu e otro diseñadornan lo brinda un tremendo espectaculo di moda durante Art Fashion 2023. E portanan ta habri pa 7pm y esaki sin duda lo bira un anochi pa recorda, yen di estilo, elegancia y creatividad.
, ken a nace y crece na Curaçao, ta un diseñador autodidacto. E ta distingui su mes for di mayoria di e diseñadornan hoben){kind=link}