E noticia awe mainta di e fayecimento di Fernando Botero considera como un di e gigantenan di arte moderno, a ser hopi lamenta na su pais Colombia y rond mundo. Fernando Botero ken su obranan ta dorna cayanan y plazanan tur rond mundo a cera su wowonan pa semper na Monaco leu di su pais stima.
Botero a enfrenta complicacionnan cu su salud, cu a hibe na su descanso eterno na 91 aña di edad. El a sali recientemente di un clinica, unda el a lucha cu balentia contra problemanan respiratorio. Sinembargo, un neumonia tabata causa di su fayecimento.
E pintor y escultor, Fernando Botero, su figuranan den forma robusto a converti den un emblema di arte colombiano, a dal buelta rond di mundo y facturando miyones di dollar den subasta. Su esculturanan y pinturanan, cu tabata retrata e beyesa y humanidad den forma voluminoso lo sigui ser recorda como e vision unico di e maestro Fernando Botero.
