Ariana Croes ta hopi contento y orguyoso di e logro como e prome representante di rhythmic gymnastics di Aruba na e Campeonato Suramericano. El a cuminsa na 2015 pareu cu e sport aki a inicia na Aruba y door cu e tabatin un base di ballet, esey a haci cu e proceso pa cuminsa cu e sport aki a bay relativamente lihe. Durante e añanan su habilidadnan a crece y asina su rutinanan a bira mas complex. Ariana su experiencia den e deporte aki ta cu nunca bo ta caba di siña. Ainda e ta siñando y purbando di mehora su habilidadnan cada dia.
Den su nivel e mester uza tur cuatro aparato cu ta e bala, hoop, cinta y mazas. Cada un tin diferente maneho y tecnica. Musica ta hunga un rol esencial den cada rutina. Musica ta duna e rutina caracter y tempo. Ariana asina por logra coordina su movecionnan, maneho di aparato y expresion corporal cu e musica. Ademas di habilidad fisico ta hopi importante pa ta disciplina y pa ta un persona dedica na e deporte y tambe pa bo por persevera.
Ariana Croes ta riba portada di Focus Digital Magazine di november y ta conta di su bida como atleta y tambe cu no ta tur dia e ta sinti mesun inspira ora e drenta gymzaal. E revista ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
