Biña cora ta componi di e.o. piceatannol, cual ta yuda perde peso. Esaki e cientificonan di Universidad di Purdue na Indiana (Merca) a descubri. Piceatannol ta yuda cu e celulanan di vet no ta sigui forma y ta reduci esunnan cu ya ta existi. Por lo tanto ta trata di un di e alimentonan mas efectivo pa baha peso.
Rubén Bravo, naturopata experto den nutricion, a crea un dieta special, cu ta inclui biña den cantidad adecuado anochi pa baha peso. Cada persona ta rekeri alimento diferente den proporcion tambe diferente, pa obtene e resultadonan conveniente. E dieta di Bravo, cual bo por perde di 4 pa 6 kilo, mester contene e siguiente alimentonan:
Desayuno: Pan integral, un webo completo, ham y fruta (appel, appelsina, peer, strawberry), koffie descafeina. Mango y melon mester ta fruta pa evita, ya cu nan ta proporciona un gran cantidad di caloria.
Cuminda di merdia: Nunca omiti e consumo di berdura. E cuminda di merdia mester ta pisca of carni di bo preferencia. Ta recomenda un glas di biña di 150 ml (Bravo ta pone hopi enfasis den ausencia di pan pa e momento di dia aki).
Cena: Caldo di berdura of galiña, carni of marisco den tur su estilo y aki ta unda e accion di biña ta drenta: pa e muhenan ta recomenda un glas di biña cora di 150 ml, mientras cu pa homber e consumo maximo ta di dos glas.
Un dieta cu ta inclui e biña cu moderacion por trece hopi bon resultado.
