E gran apertura di e tienda di mas nobo di Diamonds International na Paseo Herencia na januari ultimo, sigur ta un highlight den e carera profesional di Nathalie van Trikt. Esaki no tabata encera solamente e evento sino tur e planeamento y ehecucion, cu ta forma parti di habri un tienda nobo. Den su caso esey ta encera ademas tur locual ta e parti di visuals, signage, evento y promocion di e tienda. Diamonds International a contrata Nathalie na juni 2022 cu e encargo di tur nan actividad di mercadeo pa e turista stayover. E prome seis lunanan e enfoke tabata Aruba y St Maarten.
Na 2023 a tuma over e mercadonan di Curaçao, St Kitts y tambe Tortola BVI. Mester remarca cu Diamonds International nunca prome tabatin un persona cu un portfolio asina amplio pa loke ta trata mercadeo. Mirando cu den passado DI su enfoke principal tabata e turista crucero. Na mitar di 2023 a amplia e responsabilidad pa tambe tin encargo di e mercadeo pa cu e turista crucero. For di final di aña pasa Nathalie van Trikt ta responsabel tambe pa e co-op marketing, esey ta nifica e budget cu ta wordo presenta na e marcanan anualmente, cu ta cubri tur loke ta advertising, promotions y eventonan special.
Nathalie ta contento cu e gran responsabilidad di forma parti di un ekipo regional, cu tin e encargo di marketing pa cinco isla. Aunke cu e no ta desconoci na e industria di luxury travel retail, e por bisa cu e experiencia ta toch uno completamente diferente. Nathalie ta comparti diferente informacion interesante manera con e ta maneha y priorisa su trabou den Focus Digital Magazine di februari, cu ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
