E cantante y actiz, Cher, a sali manera semper ful den style diabierna durante Paris Fashion Week cu su look cu no a desapunta su siguidonan. E cantante di ‘Believe’, di 77 aña, a ser mira hunto cu su guy, Alexander Edwards, di 37 aña, luciendo un carson hancho cu cortenan circular cu detayenan metalico plata riba ful e pianan, cu el a combina cu un paar di rockstar biker boots.
E cantante di ‘If I Could Turn Back Time’ a aparece cu un combinacion preto cu detayenan di cadena metalico rond di su escote, como tambe un jacket preto largo dorna cu rhinestone cu ta lastra riba vloer. E diosa di pop a luci su cabey blond platinum cu hopi volumen despues di a uza su cabey cu krul scur algun dia prome.
Su makeup manera tabata di spera a exalta glamour. Cher a luci un eyeshadow silver briyante y lip glossy den tono apricot cu su tint cual tabata parce di tabata ilumina for di paden. E tokenan final cu a agrega na su look tabata den forma di un coyar di diamante y manicure briyante.
E guy di e strea a acompañe na Vetements Womenswear Fall/Winter 2024 como parti di Paris Fashion Week optando pa un look mas casual. E ehecutivo musical a bisti un blazer preto cu textura di ‘snakeskin’ y un acabado poco briyante, cu el a combina cu un camisa preto, jeans y un par di boots.
E pareha e ser mira na e desfile di Balmain na comienso di siman pasa, unda Cher a luci totalmente diferente. E cantante di ‘Just Like Jesse James’ a combina su look cu Alexander Edwards. E pareha aki, cu a inicia nan relacion na november 2022 a ricibi hopi critica pa e diferencia grandi di edad entre ambos. Alexander Edwards, kende ta conoci tambe como “Rapper AE” tin su propio seyo, Gloryusm. E rapper tin djentenan di diamanta, tatuahe, cabey tiña blanco y ta hopi mas jong cu Cher.
