E ultimo añanan nos ta scucha hopi e palabra BURNOUT y nos ta uze pa splica otro con hopi stress nos tin y con malo nos ta sinti. E termino burnout no ta djis un sinonimo di un simpel stress y ta hopi importante pa nos conscientisa nos mes y e hendenan rond di nos. Burnout ta algo hopi serio, cu ta causa debilitacion y si nos no traha riba dje, e por tin consecuencia tragico pa nos salud fisico y nos salud mental.
Den Focus Digital Magazine di april, e psicologo Sabrina Sonensein ta splica nos den detaye kico ta burnout y con pa reconoce e sintomanan. Kico ta causa burnout, con pa trata esaki y con pa preveni un burnout den nos mes y nos sernan stima. E pregunta: Kico ta burnout?… Sabrina tin e contesta unda e bisa cu burnout ta stress cronico cu ta afecta un persona di manera fisico, emocional y ‘interpersonal’.
E stress aki ta cuminsa hopi biaha na pia di trabou, pero hopi lihe ta afecta tur area di bida. Nan ta yame un ‘Silent Killer’ pasobra e ta haci bo malo di paden y pa ora bo kier ripara, el a podera di bo bida. Kico ta 3 caracteristica pa un burnout?… Kico ta e sintomanan di un burnout? Sabrina Sonensein ta splica detayadamente den e edicion di e luna aki, cu ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL)
Mindful Love Aruba t’ey pa yuda conscientisa e pueblo y aumenta e resiliencia pa nos bira mas fuerte y sa nos propio balor. Esaki lo haci cu bo tin e curashi di siña con pa recupera mas lihe di un burnout y sa tambe con pa preveni esaki den futuro.
Download bo revista awo!
