The House of Hyaluronic cu ‘The Glam Squad’ di L’ORÉAL PARIS a comparti e ultimo innovacionnan den productonan di beyesa y beauty trends cu e damanan di Aruba. Riba e dianan 24, 25 y 26 di april e team di Romar Beauty a pone nan set up na diferente punto di benta pa asina presenta tur locual e marca renombra aki tin pa ofrece pa e mercado local.
Andrea Nogueras, cu ta e experto den cutis a splica tocante e rutina di cuido y di e importancia pa uza e sunscreen contra e solo fuerte di Aruba. E top 3 producto di L’OREAL PARIS cu el a recomenda ta di BRIGHT REVEAL su SUNSCREEN y DARK SPOT SERUM. Di e linea di REVITALIFT ta 12% PURE VITAMIN C + E + SALICYLIC ACID SERUM. E ta formula cu e miho ingredientenan recomenda pa e dermatologonan.
Aileen Toro cu tin su propio salon di beyesa na Puerto Rico y ta un experto den tur locual ta concerni e cuido di cabey pa e luci saludabel, a splica di e linea nobo di L’OREAL PARIS su HYALURON PLUMP MOISTURIZING SHAMPOO, cu un infusion di acido hialuronico pa un hidratacion duradero y HYALURON PLUMP MOISTURIZING CONDITIONER, cu ta hidrata al instantante y ta duna volumen na e cabey seco y deshidrata.
E di tres experto formando parti di ‘The Glam Squad’ di L’OREAL PARIS ta e make-up artist, Jason Gausch, cu tin varios aña biniendo Aruba y por domina un poco di nos dushi Papiamento. Jason den su masterclass a comparti diferente tips di makiyahe mustrando cua color ta combina cu e color di cutis pa logra e efecto perfecto y natural. El a conseha cua base di TRUE MATCH SUPER-BLENDABLE ta esun adecuado pa e tipo di cuero di cada persona.
The House of Hyaluronic cu ‘The Glam Squad’ di L’ORÉAL PARIS y Romar Beauty por mira atras un evento exitoso cu tabata hopi bon organisa, unda e damanan di Aruba a ricibi un tremendo trato.
