E sentimento e dianan prome di un marathon of ironman ta uno di hopi nervio pa Amadée Nicolaas. E nervionan aki kiermen cu e ta care y ta cla pa race su best. El a traha duro y ta confia e proceso cu a pone na e startline di e careda. E dia prome cu e careda e ta bira hopi keto y ta zorg pa come super bon. E anochi prome cu e careda Amadée no por drumi bon, pasobra su mente ta keda draai pensando riba su strategia pa e mainta di careda.
Na momento cu e bisti su keds y para na startline tur emocionnan ta bin ariba y aki ta caminda cu e ta yora un poco. E ta yama papa Dios danki y papia un rato cu su defunto tata pa guia y cuid’e durante e careda. Manera Amadée cuminsa e careda su mood di “Ironama” ta drenta y ta focus pa hasi su cos manera mester ta.
Amadée su prome careda tabata un 10k ladies run 12 aña pasa na Groningen. Ora el a bolbe Aruba, el a train cu diferente team y core diferente careda caminda semper e tabata cay den Top 3 Overall Female den categoria di su edad. Amadée a dicidi na final di 2017 pa acerca un coach pa asina train poco mas serio, pasobra e aña siguiente e kier a haci Ironman 70.3. Esaki ta 1.9km swim- 90km bike- 21.1km run.
Aldrik Maduro di ATP Gym a yud’e y na juni 2018 el a completa Ironman 70.3 na Costa Rica. Amadée a logra sali segundo luga den su categoría di edad como e prome Arubiano cu ta subi podium na un Ironman 70.3 internacional. Despues Amadée Nicolaas a core Chicago Marathon pa cualifica pa Boston Marathon. El a core 3:18hrs y logra tin 12min over e qualifying time pa core Boston Marathon.
Na Aruba e tabata campeon nacional den aquathlon, sprint triathlon y International Olympic triathlon. Na Corsou Amadée a logra gana Overall Champion den International Olympic Triathlon na 2019. E mesun aña na juni el a bolbe race Ironman 70.3 Costa Rica y gana su categoria pa asina cualifica pa World Championship na Nice, Francia 2019.
Amadée a bolbe marca historia na 2022 door di ta e prome hende muhe Arubiano cu ta logra bay bou 5 ora den half ironman distance. El a hacie den 4:53hrs na Clash Miami na maart. Na november 2022 tabata su prome Ironman: 3.8km swim- 190km bike- 42.2km run y a logra cualifica pa World Championship na Kona Hawaii. Esaki Amadée a completa na october 2023.
Despues di Kona, Hawaii e decision pa core Ronde van Aruba su so a tuma luga y trainingnan a start desde december 2023. Den Focus Digital Magazine di mei, Amadée Nicolaas ta conta di su experencia participando den Ronde van Aruba y cua ta su puntonan fuerte y debil. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
