E biahe culinario di Chef Charbel Hayek, cu ta originario di Beirut – Lebanon, a cuminsa na edad jong mientras e tabata absorba cu entusiasmo e arte di cushna mientras e tabata yuda su mama den cushina. Chef Hayek despues di a perfecciona su habilidadnan na e prestigioso French School of Excellence, a inicia un capitulo di transformacion na Los Angeles, refinando su arte culinario na e establecimento renombra di dos strea Michelin, Mélisse, bou guia di Chef Josiah Citrin durante casi tres aña.
Su habilidad culinario excepcional a capta atencion di e audiencia di tur rond mundo ora el a sali victorioso den e cinco temporada di “Top Chef Middle East & North Africa” na Riad, Arabia Saudita. E triunfo aki a dun’e curashi pa competi den Top Chef World All-Stars, consolidando ainda mas su luga entre e elite culinario.
Stimula pa su pasion y dedicacion, Chef Charbel ta continua ampliando su horizontenan culinario, culminando cu e apertura di “Ladyhawk”, su prome restaurant Middle Eastern na West Hollywood. Chef Charbel ta expone na “Ladyhawk” su experiencia y vision innovador, ofreciendo platonan griego moderno cu ta harmonisa sabornan tradicional cu tecnicanan contemporaneo.
Mas aleu cu cushina, Charbel Hayek ta renombra como autor di e cookbook altamente elogia, “Lemon & Garlic”, un testimonio di su talento multifacetico y su compromiso firme cu excelencia culinario. Na Aruba por disfruta durante dos anochi di e excepcional arte culinario di Chef Charbel Hayek na MERCÁT na Aruba Marriott Resort.
