Diana Herrera a cuminsa su cuenta riba Instagram @dwanderess cu e meta original pa haya e oportunidad di conoce mas pais y experiencianan nobo. E tabata post constantemente y poco poco el a logra haya mas oportunidad di biaha, pero tambe traha cu diferente marca y converti su hobby den un carera. E crecemento di @dwanderess tabata proporcional y semper den un forma gradual. Diana como un influencer/content creator ta purba semper pa comparti contenido cu e ta haya leuk y balansa cu e necesidad di sigui trends.
Riba algun di @dwanderess su post tin mas di mey miyon di likes, sinembargo Diana ta enfrenta retonan cu e ta lucha hopi pa supera. Algo cu e no a considera tabata e cantidad di benta cu bo mester haci pa bende bo mes. Pa negosha pa logra traha cu marca tambe ta resulta den deal cu hopi rechaso. No pasobra bo tin x cantidad di followers bo ta bay logra keda na un hotel of traha cu e marcanan cu bo kier. Bo mester siña di no tuma esaki personal, pasobra tin factornan manera timing of simplemente e marcanan no ta fit cu otro.
E carera di influencer/content creator ta parce hopi great y enberdad e ta ofrece oportunidadnan unico. Diana Herrera a logra conoce luganan cu e nunca a soña di por conoce, e ta su mesun hefe y ta traha su mesun horario y e por traha unda cu e kier. Na mes momento e ta un trabou extremadamente demandante. Su ingreso ta varia dependiendo di e trabou y e volumen ta varia significantemente di un momento pa otro. E ta un trabou tambe cu ta dificil di no tuma e resultadonan personal. Tin biaha bo ta crea algo cu bo ta sinti hopi orguyoso di dje, pero e performance ta wordo midi cu likes y un random algorithm, y esey por ta dificil.
Den Focus Digital Magazine por lesa e interesante entrevista cu Diana Herrera unda el a yega awendia como influencer y di su biahenan espectacular. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
