Cada itinerario, reservacion y aventura tin un team apasiona y experimenta na Discovery Travel Aruba. Un di e personanan formando parti di e ekipo profesional aki ta Marlene Harms, cu a cumpli recientemente 8 aña cu e agencia di biahe. Su trayectoria como ‘travel agent’ a cuminsa na 1992 na Martijn Travel pa despues cu e agencia a wordo bendi, el a pasa over pa Nautilus Travel for di 1994 te cu 2017.
Despues cu Nautilus a cera, el a haya e oportunidad pa sigui cu su trabou na Discovery Travel Aruba te cu na e momentonan aki, unda e ta trahando cu pasion y dedicacion. Marlene a experiencia un cambio hopi grandi mes durante tur e añanan aki den e industria di agencia di biahe. E sistema y e procedura di ‘book’ tabatin un cambio drastico. Esaki door di e cambio den tecnologia, exigencia di e aerolinea- y aeropuertonan nan facilidad, a trece un cambio asina drastico compara cu e sistema antes di reserva ticket.
Den Focus Digital Magazine di e luna aki, Marlene Harms ta conta cu e no tabata facil, pero con hunto cu e team di Discovery Travel nan a ekipa nan mes pa brinda e miho servicio na nan clientela. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
