Definitivamente! E biahenan entre mama y yiu muhe por ta un forma fantastico pa crea recuerdonan duradero mientras ta disfruta di tempo di calidad hunto. Parwien Asgarali y Faryel Badloe gusta explora hunto ciudadnan grandi, disfruta di gastronomia y di naturalesa, pero nan beach preferi ta keda na nan Aruba stima, unda ambos a biba durante hopi aña prome cu a muda pa Hulanda. Faryel ta traha como basisarts ‘ouderengeneeskunde’ na 2 diferente verpleeghuis na Rotterdam. Parwien ta asistente di ‘gebouwbeheer’ na Amsterdam y den su tempo liber ta un ‘fashion stylist’.
Parwien ta conta door cu nan semper a biaha hopi cu Faryel, e tabata gusta hunga ‘travel agency’ na cas. E tabata uza e tickets bieu y un laptop pa mucha. Nan mester a bin cumpra ‘tickets’ cerca dje comosifuera nan tabata bay biaha. Faryel ta corda cu e prome biahenan hunto cu Parwien tabata ‘city trips’ chikito ora el a caba di muda pa Hulanda. Nan a bay Antwerpen pa shop y keiro. E destinacionnan cu nan gusta experiencia como Mama-Yiu ta e luganan cu tin hopi cultura, monumentonan, colorido y lugar cu tin ‘cute’ boutique pa shop.
Focus Digital Magazine ta highlight e tema di biahamento den su edicion di juli, unda Parwien Asgarali y Faryel Badloe ta comparti e destinacionnan espectacular cu nan a bishita y tambe cua experiencia ta riba top di e ‘bucket list’ di Mama-Yiu. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
