Imagina bo ta den un relacion romantico unda bo ta papia tur dia cu bo pareha. Boso ta pasa pret, tin hopi cosnan en comun y hasta ta haci plannan pa den futuro. Un dialuna bo no ta tende di e persona y bo ta bisa bo mes: “Sigur e ta hopi druk y e lo message mi mas oro”. Un dia ta bira tres dia y bo ta dicidi di puntr’e si tur cos ta oke y cu bo ta haya su falta.
Bo ta ripara cu e message a wordo manda, pero no a wordo ricibi door di bo pareha. Bo tin e sospecha cu tin chens cu el a block bo. Ainda bo ta bisa bo mes cu no ta posibel y mi ta bay warda un dia mas of mi ta bay mand’e un message atrobe puntrando: “Mi a haci algo malo… bo ta rabia cu mi”. E comunicacion di otro banda ta keto keto.
Simannan ta pasa y bo no ta tende nunca mas di e persona aki y bo no ta haya ningun splicacion. Bo ta cuminsa pensa kico abo por a haci pa e rabia of cu bo no ta suficientemente bon pa e persona. Si bo a yega di pasa door di e situacion aki of a haci esaki cu un hende, na ingles e ta wordo yama ghosting! Si nos traduci e palabra aki na Papiamento, e ta literalmente “disparce manera spirito”.
E sicologo, Sabrina Sonensein, ta splica den Focus Digital Magazine di augustus: Dicon hende ta ghost otro y kico pa haci ora un hende ghost bo. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
