Contando e historia di Donna Oduber den e mundo artistico di fotografía sigur ta resalta su añanan den e team di revista FOCUS. Su estilo y creatividad a destaca semper den tur locual cu el a pone su dilanti pa capta cu su camera. Donna su pasion pa fotografia ta origina for di su welo, cu tabata un fotografo di United Press International.
Di chikito e tabata keda fascina di mira con e por a capta e momentonan y conta historianan a traves di su lens. Donna a cumpra su prome camera inspira pa e trabou di su welo y el a cuminsa su bida den e mundo di fotografía. Pa añanan fotografia no tabata simplemente un hobby sino un parti significativo di Donna su bida.
E tabata sinti inmenso placer den captura e bunita momentonan di e bida di cada dia, siña di e sonrisanan espontaneo di e sernan stima of e paisahenan impresionante cu tabata rondona nos. Sinembargo despues di un tempo, el a cuminsa sinti problema di salud, particularmente den su schoudernan debi na e peso di e ekiponan.
Den Focus Digital Magazine di e luna aki, Donna Oduber ta relata con cu hopi tristesa el a haci e desicion dificil pa laga e carera di fotografia pa duna prioridad na su bienestar, pero cu su amor pa conta historia visual no a keda te aki. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
