Nurianne y Armando van de Griend hunto cu nan amigonan cercano a bay Gentse Feesten pa e celebracion di nan 10 aña hunto y 3 aña di matrimonio. Tur aña nan ta pone como meta pa biaha na algun parti di mundo pa celebra nan union. E ta un momento pa nan reconecta como pareha y desconecta for di mundo un rato.
Nan dos ta encanta explora mundo y haci esaki hunto ta duna nan e oportunidad di conoce otro mas profundamente. Maske cu nan tin 10 aña hunto, cada dia nan ta siña mas di otro y tambe sali for di nan comfort zone. Algo cu semper nan ta bisa ta cu biahando nan ta realisa con ser humano ta conecta door di cultura y balornan den comun.
Na Gentse Feesten Nurianne y Armando a mira un Medieval Castle na Ghent y nan a bishita tambe e Parliament Building di Budapest. Esaki ta increiblemente bunita y un piesa di arte riba su mes. Hopi hende ta bishita e edificio solamente pa e arte, e ta bunita tanto pafo como paden.
Biahamento ta inspira nan pa reflexiona profundamente di nan propio herencia y cultura. Nan pensamento ta cu si nos no compronde di unda nos ta bin y ken nos ta, con nos por compronde otro? Nurianne y Armando ta e biaheronan cu gusta explora cultura, historia y arte culinario.
Nan no tin miedo di explora na pia contal cu nan mira tur aspecto cu normalmente bo no ta mira via un bus of tour. Nan ta gusta uza transporte publico y core rond te perde. Eventualmente ta haya e caminda bek, pero e idea ta pa perde den e beyesa di e pais. Purba cuminda cu nan no conoce, no ta problema. Mas apart y unico, miho.
Nurianne y Armando van de Griend, cu pa ambos ambos sali for di rutina maske ta un bes pa aña ta sumamente importante, ta comparti e miho experiencia di biahe te cu awor den Focus Digital Magazine. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
