Evelyn Wever-Croes a demostra di ta un lider firme y cu un curason grandi. E ta un hende muhe di fe y cu curashi, pero mas cu tur cos, e ta confiabel y tin conocemento y experencia den e trabou.
STABILIDAD
Na Aruba nos kier biba trankil, y nos no kier pa esaki wordo afecta. Al contrario, nos kier un futuro miho pa nos y nos yiunan. Esey ta STABILIDAD, y e stabilidad aki ta e base pa e trankilidad cu nos tin y cu nos kier conserva.
Esey Evelyn Wever-Croes a representa pa Aruba e ultimo 7 añanan aki. GARANTIA DI STABILIDAD Y TRANKILIDAD pa tur hende. Su liderazgo y maneho di nos pais a demostra cu su vision pa un futuro mas briyante ta real. Cu Evelyn Wever-Croes como Prome Minister, hopi a wordo haci, pero ainda tin trabou pa haci. Evelyn Wever-Croes ta cla y inspira pa sigui traha pa un miho Aruba.
Sinembargo, pa sigura e stabilidad di Aruba y e stabilidad di bo famia, nos mester di continuidad den gobernacion, y den Parlamento. Esey nos por logra cu un lider confiabel y cu experencia, cu apoyo di henter e ekipo di candidatonan di partido Movimiento Electoral di Pueblo. Nan por garantisa un gobierno stabiel, cu ta tuma decisionnan corecto, pa sigura un futuro briyante pa tur ciudadano di Aruba.
Si abo tambe kier mantene e stabilidad y progreso den nos pais, y traha cu un lider cu bo ta sigur cu por maneha e pais aki den e rumbo di prosperidad pa tur hende, vota pa Evelyn Wever-Croes.
Un voto pa MEP ta un voto pa stabilidad, pa progreso y prosperidad pa tur ciudadano di Aruba.
Cu amor pa Aruba
Lider di Partido
Movimiento Electoral di Pueblo
