E trankilidad cu organisacion ta trece den Joanne Dirksz – Armantrading su bida, e ta comparti cu mas hende a traves di Get Organized Aruba, cu el a inicia na december 2022. Den Focus Digital Magazine, el a comparti algun tips pa keda organisa na cas y oficina, cu lo haci bo bida mas trankil y feliz.
Budgeting: Pa organisa bo finansas, ta bon pa traha un presupuesto mensual, bo por dividi esaki den diferente categoria. Un herment cu por yuda bo cu esaki, ta un Budget binder. Hunto cu esaki lo ta bon pa uza un aplicacion di budgeting.
Organizing: Pa loke ta trata organisacion tin tanto herment cu por yuda bo. Pa den cushina por ehempel, por haci uzo di baki organisatorio, pochinan di glas, Lazy Susans y mas. Pa joya y cosmetica, por haci uzo di diferente tipo di organizers. Pa cashi di paña tambe por haci uzo di baki organisatorio.
TIP: Organisa bo pañanan segun color y haci uzo di un solo tipo di hanger.
Planning: Un planner sigur ta util pa bo planea bo siman, pa asina bo tin un bista di kico tur bo tin cu haci. Ora bo tin un calendario na muraya, e ta bisto pa tur hende na cas/oficina. Sigur e ta un bon recordario di tur loke ta pendiente/y of mester wordo haci. Haci uzo di e calendario den bo celular pa recordatorio pa bo citanan.
Download bo revista awo!
