Garage Centraal ta anuncia e ampliacion di nan lineup di autonan cu un marca nobo, cu calidad halto den forma di GAC Motor. Un compania di China, cu ta ser conoci como “E Fabricante Hapones di China”. Esaki ta debi cu GAC Motor ta e fabricante di autonan Toyota, Honda, Mitsubishi y Hino cu ta ser bendi na China.
E experticio y calidad halto exigi for di e fabricantenan Hapones aki awor ta ser uza door di e compania aki pa produci nan mesun autonan. Esaki ta un base sumamente solido cu ta genera autonan di calidad halto. GAC Motor su filosofia di produccion ta excelencia den trahamento di autonan. Nan intencion ta pa nan ser mira como e punto mas halto di crafstmanship, un palabra cual nan ta uza como nan referencia den tur nan procesonan. Y GAC Motor su experticio ta visibel den casi 18,600 patent den tereno di autonan, genera door di un di nan 5 centronan di R&D na China, Merca cu Italia.
Autonan di GAC Motor ta haci uzo pa nan autonan di componentenan for di companianan lider na mundo. For di Bosh na Alemania te cu Aisin, e fabricante di transmision automatico mas grandi na nivel mundial cu base na Hapon, GAC Motor ta haci uzo di e miho productonan den nan autonan. Ademas nan ta haci pruebanan riguroso di nan producto: Cada auto di GAC Motor, prome cu ser bendi na publico ta pasa door di mas cu 4 miyon di kilometer cori den pruebanan di durabilidad. Nan intencion ta autonan cu lo ofrece calidad consistente pa mas cu 10 aña of 250,000 kilometer cori.
E resultadonan ta hopi impresionante. GAC Motor a haya reconocemento como lider den J.D. Power su “China Brand Quality Study” pa 8 aña consecutivo. Y nan autonan ta gana premionan pa calidad di manera consistente, inclui e reconocemento na e Emzoom como lider den e segmento di Compact SUV pa e aña aki. Awor Garage Centraal ta pone e autonan aki disponibel pa Aruba. E prome grupo di autonan a inclui un crossover sumamente moderno den forma di e GS3 Emzoom, e Emkoo Compact SUV cu su calidad ganador di premionan, e luhoso GS8 SUV cu capacidad pa 7 pasahero, y e M6 Pro Minivan.
Garage Centraal Aruba a haya e privilegio di ta un di e prome dealernan den e area di Caribe cu por ofrece e auto electrico AION ES, un sedan cu tremendo capacidad. Tur e autonan aki ta disponibel na un prijs sumamente accesibel, y nan lista di acesorionan ta pone nan den e nivelnan mas halto den cada un di nan segmentonan. Mas importante pa e autonan aki, cu Garage Centraal como dealer oficial, lo tin respaldo solido di piesa y di servicio cu tecnico cualifica, entrena cu specificacion di fabrica, y cu apoyo di tur e sistemanan di diagnostico cu GAC Motor ta ofrece exclusivamente na su dealernan autorisa. Esaki ta un garantia cu e auto no solamente lo bay subi caminda cu calidad halto, e lo keda riba caminda na bo satisfaccion pa mas largo.
Garage Centraal Aruba tin un tradicion largo di ofrece e marcanan cu calidad halto, cu lo ofrece e nivel di satisfaccion cu Garage Centraal su clientela kier y merece, y awor ta un placer di por conta cu e lineup di GAC Motor como dealer oficial. E invitacion ta keda pa bishita e showroom na Sabana Blanco pa mira di cerca e tremendo autonan aki di GAC Motor.
Download bo revista awo!
