Pasa door di un divorcio of separacion nunca ta facil, principalmente ora tin yiu envolvi. Pa hopi mayor, e idea cu no lo por wak e muchanan tur dia ta algo hopi tristo. Pero, hasta pa esaki tin un solucion: Co-parenting. E ta un metodo na unda tur dos mayor ta presente di manera activo pa asina lanta nan yiu di e manera mas sano posibel. E relacion di co-parents ta uno no- romantic mas manera nan tabatin ora nan tabata casa.
E sicologo, Sabrina Sonensein, ta splica den Focus Digital Magazine di e luna aki tocante e topico importante aki. E prome punto cu el a splica con esaki ta fomenta stabilidad emocional pa e muchanan. E impacto emocional di un divorcio ta significativo pa un mucha. Door di co-parent, tur dos mayor ta mantene un presencia consistente den e bida di e mucha, esaki ta fomenta stabilidad emocional.
E muchanan cu tin mesun acceso na tur dos mayor y na unda nan ta sinti cu nan no tin di scoge tin menos chens di experiencia sentimento di abandono, insiguridad of ansiedad. E dia di mañan e chens ta mas grandi cu nan ta scoge pareha saludabel. E otro puntonan cu Sabrina Sonensein ta elabora riba dje tambe ta con pa; Mehora habilidadnan di comunicacion y E necesidad di tur dos mayor ta wordo satisfice.
No obstante cu co-parenting tin numeroso beneficio, e por ta un desafio si un di e mayornan no ta coopera. Sabrina ta comparti algun tips cu a yud’e den e proceso aki y como un mama soltero cu a pasa den esaki, e ta elogia tur cu a haya nan mes ta dal e stap aki pa un miho porvenir pa nan yiu. Focus Digital Magazine ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
