E aña aki ta bay organisa un trayecto extra dentro di e concurso Miss Universe Netherlands, specialmente pa e damanan di Caribe Hulandes bibando na Hulanda. Alexandra Atalita e president di Miss Universe Dutch Caribbean, ta un modelo cu mas di 16 aña di experiencia y tres bes ganadora di titulo di beyeza incluyendo Miss Earth Curaçao 2018 y 1st Runner Up Miss Universe Curaçao 2021. Alexandra ta pasiona cu empoderamento di e hende muhe y ta sinti gran satisfaccion den guia e ser femenino den nan biahe pa realisacion di nan soñonan.
Riba un dia Alexandra Atalita a ricibi yamada di e president di Miss Universe Netherlands, organisacion di Miss Beauty of the Netherlands. El a wordo puntra kico e ta pensa si nan bini cu un extra traject cu lo bira Dutch Caribbean. Nan ta corda e prome biaha cu Alexandra a participa den un certamen, cual tabata Miss Beauty of Noord-Brabant na 2018. Durante e trayecto aki semper Alexandra tabata menciona cu e ta “Curacaoenaar”, pero bibando na Breda. E ta orguyoso di caminda e ta bin y tin diferente dama cu tin mesun sintimento.
Momento e oportunidad aki a surgi pa ta president di Miss Universe Dutch Caribbean, Alexandra a tuma e compromiso aki cu hopi naturalidad door cu semper ta den dje pa yuda otronan. Den Focus Digital Magazine di maart, Alexandra ta splica tur kico por spera dia 6 di april pa eleccion di Miss Universe Dutch Caribbean. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
