Despues di gana Miss Turismo Mundial 2021 representando Aruba, Sharlena Clarinda a tuma un paso bek for di certamennan di beyeza pa pone atencion riba su estudio y desaroyo personal. Sinembargo su pasion pa e mundo di beyeza nunca a disparce. Ora un oportunidad inespera a surgi pa competi na Hulanda, el a tuma esaki sin a duda. Pa Sharlena e ta un honor inmenso pa representa Aruba y tur e islanan di Caribe Hulandes, cu amor y orguyo den e certamen di Miss Universe Dutch Caribbean 2025 dia 6 di april.
Sharlene ta conta cu mudando pa Hulanda pa sigui su estudio a bira un bida transformativo, yen di les y oportunidad cu a form’e pa bira e persona cu e ta awe. Laga Aruba pa studia no tabata solamente tocante academia; tabata un proceso di crecemento personal. E cambio mas grandi cu el a experiencia ta siña pa no tin miedo pa cuminsa di nobo. Reconstrui su mes den un ambiente nobo a siñ’e ta resistente y confia den su mes. Mas cu nunca, el a realisa kico su dushi Aruba ta nifica.
Sharlena Clarinda ta trahando riba un recurso special pa yuda studiante di Caribe Hulandes cu e transicion pa biba na Hulanda. Su prome meta ta duna nan informacion esencial, conseho practico y sosten emocional, pa nan sinti nan prepara y empodera. Pa locual ta su participacon pa Miss Universe Dutch Caribbean 2025 ta uno di dedicacion y pasion. Sharlena ta den Focus Digital Magazine compartiendo detayenan tocante su proyecto y como candidata pa e certamen nobo pa scoge un representante di Caribe Hulandes pa e certamen di Miss Universe Netherlands. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
