E experiencia di Kayla Villasmil den e mundo di beyeza ta uno positivo. El a subi escenario sea ta pa canto, musica of gimnasia, pero na 2021 a dicidi di participa den su prome certamen cu su coach Endy Croes. Durante su participacion den Miss Youth Aruba, el a siña hopi cos cu e no a spera pa siña den un certamen di beyeza. Un certamen ta mas cu cabey, makeup y hilchi. Kayla a atende diferente curso di public speaking, comunicacion, women empowerment y amor propio. Den cada curso el a siña y mehora diferente habilidad cu te awe ta aplicando den su bida y cu sigur tambe den Miss Tourism World.
Kayla ta biba na Den Haag, pero ta studia na Rotterdam pa bira docente di historia. Su estilo di bida ta druk, pero e ta gust’e asina! Band’i scol e ta haci su best pa bay gym 6 biaha pa siman. E ta duna tambe huiswerkbegeleiding na muchanan den scol secundario. Awor cu e ta preparando pa representa Aruba den e certamen Miss Tourism World 2025, ta importante pa e mantene su rutina y ta disciplina pa e focus riba su metanan.
Manehando su estudio y preparacion ta dificil, pero ora un persona tin un meta e ta haci loke mester pa make it happen! Loke ta yuda Kayla mas hopi ta tene su mes organisa. Algo cu tambe e ta haci pa yuda su mes maneha tur cos ta corda cu e no ta un robot, pero un ser humano cu tin cu descansa pa asina e por pone su best foot forward. Con Kayla Villasmil lo kier pa e wordo percibi?… Como un persona cu ta motiva y inspira!
E beyeza cu ta bay representa Aruba den e certamen di Miss Tourism World 2025 ta riba portada di Focus Digital Magazine di april. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Fotografia, Hair & Makeup: Endy Croes
Download bo revista awo!
