Pasco ta yega y hunto cu ne e deseo di transforma nos cas. Pero entre tanto luz, color y acesorio, ta facil cay den exceso cu ta haci bo decoracion mustra desordena, sobrecarga of simplemente… barata. E bon noticia ta cu no mester gasta un fortuna pa tin un decoracion Navideño elegante. Ta trata di scoge bon, combina cu intencion y cuida e detayenan.
Den e seccion di Home Trends den Focus Digital Magazine di november, Dalia y Rayson Semeleer di Dalia Interior Design Studio, ta splica y ilustra loke ta haci decoracion Navideño mustra barata. E prome cos ta exceso di colornan hopi intenso y mescla. Combina cora, berde, oro, blauw, oro y plata hunto ta crea caos visual. E segundo ta e luznan multicolor di saturacion pisa. Tin mas punto cu nan ta mustra cu ta haci e decoracion mustra barata.
Dalia y Rayson ta mustra tambe kico ta loke ta haci cu Pasco ta mustra elegante y moderno. Nan ta conseha pa defini e palet di color pa 2 of 3 tono maximo. E luznan suave di un solo tono y texturanan natural manera linnen, yute, madera, fibra natural, taki, piñanan real → luho sin esfuerso. Haya mas detaye di un decoracion harmonioso pa Pasco, cu ta completementa y no pa disfrasa bo cas.
E ‘tip premium’ y mensahe final ta cu un Pasco elegante no ta cuestion di gasta, sino di eligi cu criterio. Si bo estilo base ta calmo, natural y harmonioso, bo Pasco tambe lo ta asina. Focus Digital Magazine ta accesibel via Apple Store, Android Google Play Store y www.focus.aw (Menu Tab FOCUS DIGITAL)
