E bida di Raquelle Reeberg tabatin hopi cambio, si e wak bek shete aña pasa tempo el a bay Bolivia pa representa Aruba na e certamen di Reina Hispanoamericana, El a conoce e amor di su bida durante e periodo di miss y 25 di november 2025, el a converti den Sra. Raquelle Grovell. El a cera conoci cu su casa na lighting parade di San Nicolas a traves di un prima y su pareha di e tempo ey, cu ta colega di Alberto Grovell. Awendia nan a forma un bunita hogar hunto cu nan yiunan: Alshawn (7), Alijah (3) y Quelany (1).
E relacion di Raquelle y Alberto a bira fuerte despues di a experiencia algun turbulencia na comienso. Aunke mayoria di relacion ta cuminsa hopi bunita esun di nan tabatin su ups and downs, pero esaki a pone cu awe nan tin un relacion hopi stabiel cu hopi amor y respet pa otro. Nan a siña conoce otro su caracter den cada aspecto y lo sigui siña di otro tur dia. E balornan di mas importante pa ambos ta e respet pa otro y pa nan famia. Raquelle a habri su mesun negoshi, Raki’s Skincare & Waxbar, cual ta su baby cu e ta dedicando tempo y dedicacion.
Den edicion di Focus Digital Magazine di december, Raquelle y Alberto ta comparti entre otro kico ‘bida matrimonial’ ta nifica pa nan como pareha. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
