E bida di C-Zar y Chelsea Olarte a cambia desde 28.03.24 den basicamente tur cos cu nacemento di nan prinses Chleopatra. E alegria cu Chleo a trece den nan bida ta hunga un rol grandi pa nan famia. Cu e siguidonan riba su rednan social C-Zar ta comparti e momentonan special cu su casa y yiu muhe, cu e aña aki ta cumpliendo 2 aña. E tripnan cu nan a haci hunto aña pasa pa Medellin y specialmente esun na december pa disfruta di vacantie tabata hopi bunita. Nan a comparti tempo di calidad y disfruta di algun dia di descanso pa inicia 2026 yen di energia pa logra tur nan metanan.
Entre e custumbernan cu C-Zar y Chelsea lo kier construi hunto pa 2026 ta pa bay les di baile, cumpli cu varios cos cu nan tin riba nan ‘bucket list’ y pa crea hopi memoria inolvidabel cu Chleopatra. Nan kier tambe siña con pa cushina e dushi sopi di carni y sopi Pasco di mi mama Yolanda van der Linde. Den e parti financiero e meta cu nan lo desea di priorisa e aña aki ta pa surpasa e meta anual di nan compania, C & C Real Estate Aruba, manera tur aña nan a logra cu exito.
Den Focus Digital Magazine di januari, C-Zar y Chelsea Olarte ta comparti un serie di potret saca pa e fotografo, David Restrepo, na Medellin hunto cu nan prinses Chleopatra. Nan ta bisa tambe dicon nan no lo bay revela e momentonan special cu nan lo bay celebra den 2026. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
